Mazmuny
Konıýnktıvıt – bul qabaqtyń ishiniń silemeı qabatynyń (konıýnktıvanyń) qabynýy (isinýi) nemese ınfektsııasy.
Konıýnktıva bakterııalardyń jáne basqa titirkendirgishterdiń áreketine ushyraıdy. Kóz jasy bakterııalardy shaıyp, konıýnktıvany qorǵaýǵa kómektesedi. Sondaı-aq, kóz jasynda aqýyzdar jáne bakterııalardy joıatyn antıdeneler bolady.
Konıýnktıvıttiń paıda bolýynyń kóptegen sebepteri bar. Vırýstar asa keń taralǵan sebebin quraıdy. Vırýstyq konıýnktıvıtti «qyzǵylt kóz» dep te ataıdy. «Qyzǵylt kóz» balalardyń arasynda jeńil taraýy múmkin.
Basqa sebepteri:
- Allergııa (allergııalyq konıýnktıvıt)
- Bakterııalar
- Keıbir basqa aýrýlar
- Hımııalyq áser etý
- Hlamıdııalar
- Zeńder
- Parazıtter (sırek)
Kontaktilik lınzalardy qoldaný (ásirese, uzaq ýaqyt boıy qoldanýǵa arnalǵan lınzalar)
Jańa týǵan sábıler bosaný joldarynda bakterııalarmen juqpalanýy múmkin. Bul jaǵdaı jańa týǵan sábılerdiń oftalmııasy atalady, kórýdi saqtaý úshin bul dereý emdelýi tıis.
- Kórýdiń buldyraýy
- Naýqastyń kózinde túnde paıda bolatyn qabyrshaqtar
- Kózdiń aýyrsynýy
- Kózde qum bolýyn seziný
- Kóz jasy aǵýynyń kúsheıýi
- Kózdiń qyshýy
- Kózdiń qyzarýy
- Jaryqqa sezimtaldyq
- Kózdi zertteý
- Taldaý úshin konıýnktıvadan qyryndy alý
Konıýnktıvıtti emdeý sebebine baılanysty.
Allergııalyq konıýnktıvıt allergııany emdeý kezinde jazylyp ketýi múmkin. Allergııany týyndatqan sebebimen qatynas joıylsa, óz betinshe jazylyp ketýi múmkin. Sýyq kompress qoıý allergııalyq konıýnktıvıtti basýǵa kómektesýi múmkin.
Antıbıotıkpen emdeý, kóbinese, kóz tamshylary, bakterıaldyq konıýnktıvıtte tıimdi.
Vırýstyq konıýnktıvıt óz betinshe ótedi.
Kóptegen dárigerler «qyzǵylt kóz» kezinde bakterıaldyq konıýnktıvıttiń aldyn alý úshin jeńil antıbakterıaldyq kóz tamshylaryn taǵaıyndaıdy.
Siz vırýstyq nemese bakterıaldyq konıýnktıvıt kezinde jyly kompress qoldaný arqyly jaısyzdyqty basa alasyz (kózge jabyq kúıinde jyly sýǵa malynǵan matany basý qajet).
Emdeý saldary, ádette, sátti boljamdy.
Saqtyq sharalaryn qadaǵalmaıtyn bolsańyz, aýrýdy úıde nemese mektepte qaıtadan juqtyrýyńyz múmkin.
Sımptomdary 3 nemese 4 kúnnen artyq sozylsa, emdeýshi dárigerińizge kórinińiz.
Muqııat gıgıena konıýnktıvıttiń taralýynyń aldyn alýǵa kómektesedi:
- Jastyqtyń tysyn jıi aýystyryńyz
- Kózge arnalǵan kosmetıkańyzdy basqalarǵa bermeńiz.
- Súlgilerińizdi nemese qol oramalyn basqalarǵa bermeńiz.
- Kontaktilik lınzalardy durys qoldanyńyz jáne tazalańyz.
- Kózińizdi qolyńyzben ustamańyz.
- Kosmetıkany jıi almastyryńyz.
- Qolyńyzdy jıi jýyńyz.
Konıýnktıvanyń qabynýy; Qyzǵylt kóz.
Aqparat kózi: AQSh Ulttyq densaýlyq ınstıtýttarynyń málimetter qory: http://www.nlm.nih.gov/medlineplus/ency/article/001010.htm
Aýdarmashy: Irına Goncharova, HealthSity jobasynyń derbes úılestirýshisi
Redaktsııalyq alqa:
Almaz Sharman, medıtsına professory
Lázat Aqtaeva, m.ǵ.d.
Sálim Smaıylov, b.ǵ.k.