Mazmuny
Gemotaraks – keýde men ókpe arasynda keńistikte (ókpeqap qýysynda) qannyń jınalýy.
Gemotorakstyń eń jıi taraıtyn sebebi - keýde jaraqaty. Ol kelesi aýrýlarmen aýyratyn patsıenterde de kezdesýi múmkin:
• Qan uıýynyń buzylysy
• Júrekke nemese kókirek qýysyna jasalǵan operatsııalar
• Ókpe tininiń nekrozy (ókpe ınfarktisi)
• Ókpeniń nemese ókpeqaptyń qaterli isigi
• Ortalyq venalyq kateter ornalastyrǵan kezdegi paıda bolǵan qan tamyrlarynyń jarylýy
• Týberkýlez
• Alańdaýshylyq
• Keýde tusyndaǵy aýrý sezimi
• Tómen arterıaldy qysym
• Boz, sýyq jáne jabysqaq teri
• Jıilegen júrek yrǵaǵy
• Jıi, ústirtin tynys alý
• Mazasyzdyq
• Entigý
Medıtsınalyq tekseris kezinde dáriger patsıenttiń tynys alý kezinde, zaqymdalǵan aımaqtan dybystardyń álsireýi nemese múldem bolmaýyn baıqaýy múmkin. Gemotoraks belgilerin myna tekserister kómegimen anyqtaýǵa bolady:
• Kókirek qýysy músheleriniń sholý rentgenografııasy
• Kókirek qýysy músheleriniń kompıýterlik tomografııasy
• Ókpeqap suıyqtyǵynyń analızi
• Plevrotsentez
Emdeýdiń maqsaty - patsıenttiń jaǵdaıyn turaqtandyrý, qan ketýdi toqtatý, ókpeqap qýysynan qan men aýany shyǵarý. Qan men aýany shyǵarý úshin keýde qýysyna torokaldy tútik engiziledi. Ol trýbka birneshe kúnge deıin sol jerde ornalasýy múmkin.
Aýyr gemotoraks kezinde qan ketýdi toqtatý úshin hırýrgııalyq aralasý (torakotomııa) qajet bolýy múmkin.
Gemotorakstyń bastalýyna ákeletin sebepti emdeý qajet. Keýde jaraqattary bar adamdarǵa drenajdy tútikterdi ornatý qajet bolady. Sırek jaǵdaılarda hırýrgııalyq aralasýǵa týra keledi.
Aýrýdyń nátıjesi gemotoraks týdyrǵan sebepterge jáne onyń emi qanshalyqty jyldam júrgizilgenine baılanysty.
• Óz kezeginde ókpe jetispeýshiligine alyp keletin ókpe kollapsy
• Ólim
• Ókpeqap qýysynyń fıbrozy jáne tyrtyqtanýy
• Ókpeqap suıyqtyǵynyń ınfektsııasy (empıema)
• Pnevmotoraks
• Shok
Jedel járdem bólimine habarlasyńyz nemese jedel medıtsınalyq kómek kórsetý qyzmetin shaqyrtyńyz:
• Kez kelgen aýyr keýde jaraqaty
• Keýde tusyndaǵy qatty aýrý sezimi nemese entigý
• Bas aınalý, qyzba, nemese keýde tusyndaǵy aýyrlyq sezimi
• Tynys alýdyń qıyndaýy
Jaraqat almaý úshin qorǵanys erejelerin (mysaly, qaýipsizdik beldikteri) saqtanyp júrińiz.
Derekkóz: http://www.nlm.nih.gov/medlineplus/ency/article/000126.htm
Tegter:
gemotoraks
ókpeqap qýysynda qannyń jınalýy
keýde jaraqaty
plevrotsentez
kókireý qýysy músheleriniń rentgenografııasy
keýde tusyndaǵy qatty aýrý sezimi