Bul ne? Plevralyq jalqyq – keýde qýysy men ókpeni bóletin ókpeqap qýysynda suıyqtyqtyń jınalýy. Suıyqtyqtyń jınalýyna ákeletin negizgi sebepteri qabyný protsessi, júrek jetkiliksizdigi, qaterli isik jáne uıqy beziniń qabynýy bolyp tabylady. Plevralyq jalqyq ókpe týberkýlezinde jıi baıqalady.
Plevralyq jalqyq sımptomdaryna tynys alýdyń qıyndaýy, keýdedegi aýyrsyný sezimi, qaqyryqsyz jótel, dene temperatýrasynyń kóterilýi bolýy múmkin. Eger plevraldi jalqyq azdaǵan bolsa, sımptomdary bolmaýy da múmkin. Suıyqtyqtyń kóptep jınalýy tynys alýdyń qıyndaýyn shaqyryp, ókpeniń tolyq tolýyna kedergi keltiredi.
Dıagnostıkasy. Dáriger plevralyq jalqyqty qaraý kezinde anyqtap, keýde qýysynyń rentgenografııasy arqyly dıagnozdy dáleldeýi múmkin.
Emdeý. Eger plevralyq jalqyq azdaǵan bolsa, onda bul dárigerdiń aralasýyn qajet etpeıdi. Eger emdeý qajet bolsa, eń aldymen plevrotsentez arqyly (ıneni ókpeqap qýysyna engizý arqyly) suıyqtyqtyqty soryp alý kerek. Alynǵan suıyqtyqty laboratorııaǵa jiberip, óz kezeginde onyń jınalý sebebin anyqtaý múmkindigi týady.
Tegter:
suıyqtyq
qabyný
júrek jetkiliksizdigi
týberkýlez
ókpe aýrýlary
ınfektsııa
Almatyda ókpe aýrýlaryn emdeý