Mazmuny
Pozıtsııalyq, qaterli emes bas aınalýy – bas aınalýynyń jıi kezdesetin túri. Bas aınalýy – ózińniń nemese aınaladaǵy zattardyń qozǵalýyn seziný. Ol basty belgili bir jaǵdaıda ornalastyrǵanda paıda bolýy múmkin.
Pozıtsııalyq, qaterli emes bas aınalýyn paroksızmaldyq pozıtsııalyq bas aınalýy dep te ataıdy. Ol ishki qulaqtaǵy máselelerge baılanysty.
Ishki qulaqta jartylaı sheńberli kanaldar atalatyn, suıyqtyqqa toly tútikter bar. Qozǵalǵan kezde osy tútikterdiń ishindegi suıyqtyq ta qozǵalady. Jartylaı sheńberli kanaldar suıyqtyqtyń kez kelgen jyljýyna sezimtal. Jyljıtyn suıyqtyq mıǵa deneniń ornalasýyn habarlaıdy. Bul tepe-teńdikti saqtaýǵa kómektesedi.
Otolıttiń (mıneraldyq tuzdardan, kóbinese, kaltsııden turatyn, jartylaı sheńberli kanaldarda ornalasatyn qatty túzilis) kishkentaı bóligi kertilip shyǵyp, kanaldyń ishinde bos júzedi. Muny organızm deneniń ornalasýy týraly aqparat retinde qate túsinedi, bul mıdy qatelikke ushyratady, osydan paroksızmaldyq qaterli emese pozıtsııalyq bas aınalýy paıda bolady. Onyń paıda bolýynyń kúrdeli qaýip faktorlary joq. Biraq, damý qaýpi kelesi jaǵdaılarda artady:
- Otbasy músheleriniń birinde bolsa.
- Bastyń jaraqaty bolsa (jeńil soqqy bolsa da)
- Labırıntıt atalatyn ishki qulaq ınfektsııasy bolsa.
Sımptomdary
Aýrýdyń sımtomdary:
- Keńistiktegi aınalýdy nemese jyljýdy seziný
- Aınaladaǵy álem aınalyp turǵandaı sezim
- Tepe-teńdikti joǵaltý
- Júrek aıný jáne qusý
- Estimeı qalý
- Kórýdegi máseleler, barlyq zattar sekiretindeı nemese qozǵalatyndaı
Bas aınalýyn seziný:
- Ádette, bastyń ornalasýynyń ózgerisinen týyndaıdy
- Kóbinese, kenetten bastalady
- Birneshe sekýndqa nemese mınýtqa sozylady
Keıbir faktorlar bas aınalýynyń paıda bolýyn týyndatýy múmkin:
- Tósekte dene ornalasýynyń ózgerisi
- Basty eńkeıtý
Aýrýdy anyqtaý úshin dáriger Dıks-Hollpaık synamasyn taǵaıyndaıdy:
- Dáriger sizdiń basyńyzdy belgili bir jaǵdaıda ustaıdy. Osydan keıin tez ústelge jatýdy usynady.
- Osyny jasaǵannan keıin dáriger kózdiń aýytqýly qozǵalysyn izdeıdi, jáne basyńyz aınalatyndyǵy týraly suraıdy
Eger bul test teris nátıje berse, basqa testilerden ótýdi suraıdy.
Dáriger tekserip, qarap, aýrýdyń tarıhy týraly suraqtar qoıady. Basqa sebepterdi eskerý úshin mıdy jáne júıke júıesin zertteý qajet. Bul tekserý ádisteri:
- Elektroentsefalografııa (EEG)
- Elektronıstagmografııa (ENG)
- Mıdyń kompıýterlik tomografııasy (KT)
- Magnıttik-rezonanstyq tomografııa (MRT)
- Estýdi tekserý
- Mıdyń magnıttik-rezonanstyq angıografııasy
- Kózdiń aýytqýly qozǵalysyn anyqtaý úshin ishki qulaqty sýmen nemese aýamen jylytý nemese sýytý. Bul kalorııalyq stımýlıatsııa atalady.
Dáriger «Epplı manevri» atalatyn sharany ótkizýi múmkin. Ol ishki qulaqta júzetin otolıttiń kishkentaı bólikterin jyljytýǵa kómektesedi. Bul emdeý jaqsy áser kórsetedi.
Keıbir dárilik preparattar bas aınalýy sezimin jeńildetýge kómektesýi múmkin:
- Antıgıstamındik preparattar
- Antıholınergıkter
- Uıqy shaqyratyn jáne tynyshtandyratyn
Degenmen, bul dáriler bas aınalýyn emdeýde nashar kómektesedi.
Sımptomdarynyń ýshyǵýynyń aldyn alý úshin bas aınalýyn týyndatatyn dene ornalasýynan alshaq bolyńyz.
Bul jaǵymsyz aýrý, biraq, ony «Epplı manevri» kómegimen emdeýge bolady. Biraq, bas aınalýy qaıtalanýy múmkin.
Kúshti bas aınalýy bolatyn adamdarda qusý saldarynan kúshti sýsyzdaný ornaýy múmkin.
Kelesi jaǵdaılarda dárigerge kórinińiz:
- Bas aınalýy paıda bolsa
- Bas aınalýdy emdeýden áser bolmasa.
Kelesi sımptomdar bolsa, shuǵyl medıtsınalyq kómekke júginińiz:
- álsizdik
- sóıleýdiń túsiniksizdigi
- kórýdegi máseleler.
Bular kúrdeli aýrýdyń sımptomy bolýy múmkin.
Bas aınalýyn týyndatatyn dene ornalasýynan alshaq bolyńyz.
Pozıtsııalyq bas aınalýy; paroksızmaldyq qaterli emese pozıtsııalyq bas aınalýy.